По скоро двомесечна пауза продолжуваат натпреварите во Европската лига на ЕХФ. Во првиот натпревар од продолжението на фазата по групи, ракометарите на Еурофарм Пелистер гостуваат во Данска и на мечот против Архус ќе се обидат да ја забележат првата победа во 2023 година.
“Последните два дена работиме со добар ритам и момците кои беа надвор од тимот почнуваат да го фаќаат тој ритам. Видливо беше дека ни недостига такво темпо на претходните два натпревари. Против Нексе беше нешто подобро, но мора уште малку да се подобриме. Овој викенд работевме одлично и тоа веќе изгледа солидно. Патуваме во Данска со подигната глава, сакаме да одиграме добро и да донесеме бодови од таму. На тренинг напорно работиме да ги сведеме на минимум техничките грешки. Тоа ќе го направите само ако го следите тактичкиот план и баш тоа се обидуваме да го сториме”, изјави тренерот на Битолчани, Ларс Валтер.
Натпреварот се игра вечерва и почнува во 18 часот и 45 минути.