Ракометарите на Еурофарм Пелистер вечерва во Нашице против Нексе го играат вториот натпревар од новото издание на СЕХА лигата.
Битолчани во првиот дуел исто така на гости во Нови Сад беа поразени од Војводина и на денешниот дуел очекуваат далеку подобра игра и освојување на првите бодови.
“Нексе оваа година игра добар ракомет, први се во групата во Европската лига. Се работи за одлична екипа, но и тие во Нови Сад убедливо загубија и лошо играа, исто како и ние. Овој натпревар и за нас и за нив ќе биде можност за поправање на впечатокот. По репрезентативни настапи нормално е да има вакви осцилации. Ќе бидеме подобри во следниот период, ни претстои тежок февруари и два натпревари секоја недела. Мора да се подигнеме за да извлечеме убави резултати”, изјави Марио Танкоски.
Почетокот на натпреварот е закажан за 18 часот.
ФОТО: РК Еурофарм Пелистер