Тешки неколку недели, вака евроамбасадорот Дејвид Гир одговори на прашањето за состојбата и односите меѓу Македонија и Бугарија во пресрет на одбележувањето на раѓаљето на Гоце Делчев.
-Јас се надевам и секако очекувам дека ова ќе биде можност за двете земји да ја одбележат годишнината од раѓањето на Гоце Делчев, можност за дијалог и зголемено меѓусебно разбирање и почит. Ова беа тешки неколку недели, но дури и во тој период, значајно е дека имаше постојани контакти меѓу Северна Македонија и Бугарија, затоа што добрососедските односи се во интерес на сите. Видовме контакти на ниво на премиери, министри за надворешни работи, внатрешни работи, да ги споменам како пример. Тоа е духот кој треба да се запази во ова одбележување, рече евро амбасадорот во своето гостување во ТОП ТЕМА на Телма.