Македонскиот ракометен шампион Вардар попладнево од 18 часот во салата на СЦ Јане Сандански во меч од второто коло во фазата по групи од СЕХА лигата го пречекува Партизан.
По стартниот пораз од Војводина, “црвено-црните” очекуваат пред своите навивачи да ја забележат првата победа.
“Екипата на Партизан е млада и перспективна која игра брз и модерен ракомет. Имав време да ја погледнам, да ја анализираме. Вчера се вративме од тешкото патување до Прешов. Денеска ќе работиме на одбраната и нападот за да излеземе колку е можно поподготвени на мечот”, истакна тренерот на Вардар, Владо Недановски.
Вардар по подолга пауза во Скопје ќе одигра меѓународен натпревар и се очекува голема поддршка од трибините, а се со цел да се создаде атмосфера која ќе им помогне на ракометарите да стигнат до посакуваната победа.
ФОТО: Игор Паневски