Неколку стотици демонстранти синоќа се собраа во Белград во знак на поддршка на Србите во Косово. Демонстрантите скандираа и носеа знамиња на кои пишуваше „не се предаваме“ додека маршираа по улиците на главниот град.
Во северно Косово поставени се блокади на патиштата во знак на протест против неодамнешното апсење на поранешен српски полицаец Дејан Пантиќ на кого вчера му беше исречена мерка притвор во траење од 30 дена.
Косовските власти го товарат со делото тероризам, а го обвинуваат дека ги организирал вооружените напади од пред некој ден врз полициска станица и канцелариите на изборните комисии во општините со мнозинско српско население во северно Косово.
Српскиот претседател Александар Вучиќ вчера најави оти во четврток и официјално ќе поднесе барање до КФОР за враќање на безбедносните сили на Србија на Косово, согласно Резолуцијата 1244.
