Со пораки за поддршка на Западен Балкан и неговото приближување до Европската Унија, лидерите на ЕУ се појавија на почетокот на Самитот во Тирана.
Францускиот претседател Емануел Макрон на доаѓањето на Самитот рече дека војната во Украина е безбедносно прашање за целиот регион, додавајќи дека енергетиката и процесот на интеграција се две други важни прашања за кои денеска ќе разговараат лидерите на регионот и на Европската унија.
Чешкиот премиер Петр Фијала, пак, оцени дека зближувањето на ЕУ и земјите од Западен Балкан успева. Камко што рече, тоа што средбата по првпат ќе се одржи во регионот, претставува сигнал за поддршка за многу блиските партнери ЕУ.
Важна тема на Самитот, според Фијала, ќе биде и илегалната миграција преку балканската рута, и во овој контекст тој смета дека важен елемент во борбата против илегалната миграција ќе биде брзото усогласување на визната политика во регионот со визната политика на ЕУ.
За првпат по преземањето на функцијата и италијанската премиерка Џорџија Мелони пред почетокот на самитот во кусата изјава за медиумите рече „имаме голема одговорност кон балканските земји“.
Самитот го следи Марија Дивитарова и се јави во вестите во 12.30