Македонската женска ракометна репрезентација вечерва од 18 часот против Романија ќе го одигра натпреварот од третото коло на Европскиот шампионат.
За двете селекции ова е дуел што решава кој ќе го продолжи настапот на континенталното првенство. Романија е фаворит, но нашите ракометарки ветуваат дека ќе се обидат да направат сензација.
“Можам да се кажам дека сме фокусирани на Романија. Тие се доста сериозен противник. Мора да подобриме некои работи и да ги намалиме техничките грешки. Не смееме да промашуваме зицери и мораме сериозно да го сфатиме натпреварот. Романија се гледа понатаму, но ние ќе се обидеме да им го загрозиме видот и ќе се обидеме колку можеме повеќе да бидеме во егал со нив. Франција и Холандија се многу позрели репрезентации од нас и имаат многу поголема минутажа од нас на големи натпреварувања. Доста е важен влезот во натпреварот. Ако влезе со негатива од пет гола, тешко дека ќе успееме да направиме нешто повеќе”, изјави Јована Саздовска
ФОТО: Игор Паневски
