На враќањето на големата сцена во женскиот ракомет, македонската репрезентација е совладана од актуелниот олимписки шампион Франција, селекција која е една од најголемите фаворитки за највисок пласман.
Сепак и покрај фактот што избраничките на селекторот Љубомир Савевски беа импресионирани од натпреварот во голем дел од соочувањето со Франција дадоа се од себе, но за жал не можеше да се избегне убедливиот пораз од 24:14.
“За жал почнавме многу лошо. Имавме многу технички грешки и многу промашени шутеви. Кога го дадовме првиот погодок бевме премногу возбудени. За мене е добар меч бидејќи и покрај се, се боревме до крај. Се надевам дека во понеделник ќе одиграме подобро против Холандија и ќе се обидеме да победиме со што би се пласирале во втората рунда”, изјави капитенот Сара Ристовска.
ФОТО: Игор Паневски