Европското првенство во ракомет во женска конкуренција почна со сензација. Еден од домаќините на континенталниот шампионат Словенија на стартот забележа победа во дуелот против Данска совладувајќи ја со 28:26.
Во израмнет натпревар Словенија имаше перфектен финиш за конечен триумф. До завршните десетина минути, двете селекции се менуваа во водството, а ниту една репрезентација немаше поголемо водство од два гола.
Во завршницата Данска влезе со предност од 22:21, Словенија со серија од 2:0 го презема водството и во последните десет минути стигна до максималните 27:24 и на крајот сосема заслужено стигна до победа од 28:26.
Во вториот натпревар од Б групата, Шведска ја совлада Србија со 27:21.
Во А конкуренцијата, Швајцарија и пружи силен отпор на фаворизираната Унгарија, која сепак на крајот успеа да ги освои бодовите.
Швајцарија на 10 минути пред крајот на мечот водеше со 24:23, Унгарија со серија од 4:0 поведе со 27:24.
Унгарките во завршницата имаа целосна контрола врз играта и резултатот и успеаа да забележат победа.
Во вториот меч Норвешка беше убедлива против Хрватска и триумфираше со 32:23.