Буџетскиот дефицит ќе мора да се стеснува и да се оди кон постепена фискална консолидација. Министерот за финансии Фатмир Бесими информира дека следната година по основ на стари долгови, еврообврзница но и камати државата ќе треба да плати 1 милијарда и 40 милиони евра. Затоа додава тој во следниот период мора да се преземат мерки кои согласно настанатата состојба треба да го придвижат економскиот раст. На среден рок, вели ресорниот министер, има уште неколку бедеми кои треба да се надминат по однос на финансирање на доспеани обврски, пред се обврските акумулирани за време на ковид-кризата.
Залагањата се во наредниот период да се работи на подобрување на наплатата на буџетските приходи преку зајакнување на административните капацитети и подобрување на услугите на УЈП и Царина, мерки за намалување на сивата економија и даночна реформа.