Претседателот Стево Пендаровски е еден од 11-те претседатели на држави од источна Еуропа кои го осудија вчерашниот руски брутален напад врз цивилни цели низ цела Украина изведен после нападот на мостот меѓу Крим и Русија. Сметаат дека станува збор за воено злосторство.
-Ние претседателите на Бугарија, Чешка, Естонија, Унгарија, Латвија, Литванија, Црна Гора, Северна Македонија, Полска, Романија и Словачка ги осудуваме масовните бомбардирања на украинските градови кои неодамна ги изврши Русија, а кои според меѓународното право претставуваат воени злосторства, стои во заедничкото соопштение.
Руските напади продолжија и денеска, а има загинато десетици цивили и рането повеќе десетици украинци.На удар е и енергетската мрежа на Украина за да се спречи производство на струја и извоз во земјите на Европската Унија.
Претседателите се дел од групата „Букурешт 9“, а на иницијативата се приклучени и Македонија и Црна Гора.