Ракометарите на Еурофарм Пелистер за прв пат во клупската историја обезбедија пласман на завршниот турнир во СЕХА лигата кој и оваа година ќе се одржи во Задар во периодот од втори до 4 септември.
За место во големото финале и решавачката битка за трофејот Битолчани в петок на втори следниот месец ќе се соочат со Веспрем, а почетокот на натпреварот е закажан за 20:30 часот.
Во првото полуфинале кое почнува во 18 часот ќе се сретнат хрватските ривали Загреб и Нексе.
Големото финале на програмата е в недела на 4 септември и почнува во 19 часот додека за 18:30 е закажан почетокот на дуелот за третото место.
ФОТО: Игор Паневски