Ракометарите на Еурофарм Пелистер по подобро изведување на удари од седум метри успеа да го совлада Мешков Брест и успеа за прв пат во клупската историја да се пласира на завршниот турнир од СЕХА лигата.
Битолчани до толку посакуваниот триумф стигнаа откако пеналите го решаваа победникот. По 60 минути игра резултатот беше 23:23, а потоа домаќините четири пати успеаа да го совладаат противничкиот голман, а гостите од Белорусија беа прецизни три пати.
Во израмнет натпревар Еурофарм Пелистер водеше во текот на целиот натпревар на моменти таа изнесуваше и три погодоци, но гостите од Белорусија постојано успеваа да ја вратат неизвесноста.
Во самиот финиш Битолчани преку Марио Танкоски успеаа да поведат со 23:22, но буквално во последните секунди Стевановиќ успеа да го совлада Кизиќ и да се избори за израмнување.
Во пенал серијата клучна беше одбраната на Урбан Лесјак за конечен триумф и пласман на завршниот турнир каде за трофејот покрај Еурофарм Пелистер ќе се борат Веспрем, Загреб и Нексе.