Македонскиот првак Шкупи во првиот меч од разигрувањето за влез во Конференциската лига на УЕФА во Скопје е совладан од Балкани и по четвртиот пораз во низа во европските клупски натпреварувања, Чаирчани се се подалеку од пласманот во фазата по групи.
“Подобриот не победи денеска. Видовте и самите, на толку шанси неискористени. Супер влеговме, поведовме, а потоа примивме гол на што ги предупредив играчите. Мислам дека тој гол не раздрма. Последните 20 минути од средбата играчите дадоа се од себе, многу шанси, не ги искористивме. Противникот со два шута на гол даде два гола. Момците го дадоа максимумот, на тие грешки кои ги правевме и минатите натпревари се повторија. Шансите мора да ги искористиме, на вакви натпревари кога не се користат шансите, противниците казнуваат. Не се предаваме така лесно и на реваншот. Одиме да одиграме таму добар натпревар. Кажав и пред мечот дека играме со добра екипа, но не заслуживме денеска да загубиме. Овие шанси кои ги имавме денеска доколку повторно ни се пружат, верувам дека ќе постигнеме гол”, изјави шефот на стручниот штаб на Шкупи, Гоце Седлоски.
ФОТО: Игор Паневски