Вести Македонија Најважни

Фон Дер Лајен го помести знакот „Не“ од микрофонот, аплаузи и повици фашисти- како се одвиваше обраќањето на претседателката на ЕК

-Македонци, нема сомнеж, вашиот јазик е македонски јазик и ние целосно го почитуваме. Затоа во ревидираниот предлог стои македонски јазик, без модификации, истакна претседателката на ЕK, Урсула Фон Дер Лајен којашто пред пратениците во Собранието и тврдеше дека предложената преговарачка рамка е во согласност со европските критериуми.

Во еден момент, кој не беше прикажан во директниот пренос, некој на микрофоните на говорницата стави мал транспарент со „НЕ“ за францускиот предлог за преговарачката рамка. Фон Дер Лајен го спушти од микрофоните и продолжи со говорот.

Пратениците од владеачката коалиција, како и оние кои го подржуваат францускиот предлог, неколкупати станаа и аплаудираа на говорот, особено при потенцирањето на засебноста на македонскиот јазик и идентитет.

Пратениците на опозицијата кои се против беа облечени во маички со „НЕ“ и со транспаренти против францускиот предлог и решенијата кои според нив задираат токму во прашањата за идентитетот на Македонците.

При еден дел од говорот и аплауз, се слушна „Предавници“, „Фашисти“. Говорот на Фон Дер Лајен продолжи и не беше прекинуван, а претседателката на ЕК го пофали и се забалагодари за демократското однесување на пратениците при нејзиниот говор.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Цените на Еуросупер БС-95 и Еуросупер БС-98 се зголемуваат за еден денар за литар, а дизелот за половина денар

Дејан Дејан

Филмска несреќа на железничка пруга во Велес-Градско: Возило излетало, па се заглавило на пругата, пожарникари и полиција се бореле да ги извлечат патниците

Дејан Дејан

Словенечката војска ќе користи електрични мотоцикли од словенечко производство

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе