Децении се потребни за област колку дванаесет Македонии во Украина од 300.000 квадратни километри да биде исчистена од мини.
Камионџијата Вадим Швидченко движејќи се по земјен пат налетал на мина која го разнело неговото возило, а 40-годишниот шофер успеал да се спаси со полесни рани на ногата и главата.
„Возев овде пред два дена и беше во ред. Ти велам, првиот пат беше во ред, но вториот пат, тогаш се случи“, вели Швидченко.
Многумина ја немаат среќата на Швидченко. Руската инвазија на Украина увезе смртоносен отпад од мини, бомби и огромен број други експлозивни направи кои ќе ги загрозуваат животите и екстремитетите на цивилите со години по завршувањето на борбите.
Честопати, жртвите на експлозиите се земјоделци, работници и други со мал избор освен да користат минирани патишта и да ораат минирани полиња. Украина сега е една од најминираните земји во Европа, а цивили гинат постојано.
Сајмон Конвеј, кој ги води напорите за расчистување на мините во Украина за невладината организација „Хало Труст“, вели дека очајот ги тера луѓето да преземаат ризици иако знаат за мините.
„Луѓето се многу желни да ја обработуваат земјата, сакаат да садат култури, очекуваат, знаете, да можат да достават жито до остатокот од светот. Земјоделските компании кои ја закупуваат земјата се под огромен притисок да генерираат храна, а тоа во основа ги поттикнува. Значи, луѓето преземаат ризици, тие преземаат ризици што би можеле да ве изненадат вас и јас, но тие се чувствуваат под притисок да го сторат тоа“ – вели Конвеј.
Неговата добротворна организација доби уште 4 милиони долари од американската влада за да ги зголеми активностите за деминирање.
Мартин Николовски