Првиот товарен брод отплови од украинското пристаниште Мариупол откако Русија го зазеде градот и се упати на исток кон Русија, изјави прорускиот сепаратистички лидер на украинскиот отцепен регион Доњецк. Украина соопшти дека снабдувањето со метал на Русија од Мариупол, чија окупација и овозможи на Москва копнен мост што ги поврзува Русија и проруската сепаратистичка територија со анектираниот Крим, е грабеж.
„Денес 2.500 тони топло валани лимови го напуштија пристаништето Мариупол“, напиша Денис Пушилин, лидер на самопрогласената Народна Република Доњецк на апликацијата за пораки Телеграм.
„Бродот отплови за Ростов“, напиша Пушилин.
Русија ја презеде целосната контрола над Мариупол претходно овој месец, откако повеќе од 2.400 украински борци се предадоа од опколената фабрика за челик Азовстал.
Русија минатата недела соопшти дека пристаништето е деминирано и повторно отворено за трговски бродови.