Повеќе објекти на битолски Широк Сокак се испишани со буквата од латиничкото писмо „Z“ која е симбол за поддршка на Руската инвазија во Украина.
Eкспертите, велат треба да се осуди оваа појава која потврдува дека во Македонија постојат поединци и организирани групи што ја шират руската пропаганда и ја поддржуваат руската агресија во Украина
„Овие графити, оваа појава не треба да се потценуваат и се потврда дека постојат структури кои се контролирани од надвор и е процес на ширење на лажни информации и лажен патриотизам, надвор од националните интерси на нашите граѓани“ – вели Марјан Ѓуровски, професор на Факултето за безбедност во Скопје.
Ѓуровски вели дека и Македонија e под руското влијание на хибридни закани.
„Македонската држава е нападната внатре, институциите сe нападнати преkу руската разузнавачка служба, за што потврда е и протерувањето на неколку руски дипломати од нашата држава,. Пред тоа неформално беа протерани и уште неколку руски диломати кои контролирано или неконтролирано влегуваа во македонските институции и имаа контакти со дел од вработените. За сите инволвирани вработени во македонската администрација, безбедносните структури, треба да сe поведе постапка и да се знае името и презимето“ – вели професорот Ѓуровски
На панел дискусијата во Битола, организирана од фондацијата „Конрад Аденауер“, на тема „ЕУ по руската инвазија-нов потенцијал за забрзан пристапен процес на Западен Балкан“, учесниците посочија дека проширувањето на Унијата и интеграцијата на Албанија и Македонија е значајно безбедносно прашање.
Емилија Мисирлиевски