Три недели едно по друго бројката на хоспитализирани во штипското Инфективно одделение е константна и достигнува до девет пациенти. Оваа одделение кое изминатите две години беше исполнето до последниот болнички кревет сега е полупразно. Модуларната болница е затворена и се чува како резерва, а раководството на болницата веќе размислува некој од одделите и амбуланатите да ги смести во овој објект.
Нема притисок за хоспитализација на пациенти со коронавирусот во штипското Инфективно одделение. Неколку недели бројката на хоспитлизирани достигнува до девет. Директорот на Клиничка болница-Штип, Ален Ѓеорѓијев вели дека тоа е релативно мала бројка. Работата на остантите на одделенија е вратена во нормала.
Инфективното одделение кое изминатите две години беше целосно исполнето, сега е полупразно, додека модуларната болница е затворена и празна. Ѓеорѓијев вели дека засега ја чуваат како резерва, но веќе размислуваат за кои одделениија би го искористиле овој објект. Плановите можат да се реализираат во иднина, бидејќи се уште има опасност од нови бранови.
Се намалува и бројот на активни случаи во Штип и Брегалничкиот регион, интересот за имунизација против коронавирсуот за прва доза е намален, а најголем дел од граѓаните пунктовите ги посетуваат за третата доза.
Викторија Јованова