Претседателката на Европската комисија, Урсула фон дер Лајен синоќа изрази недвосмислена поддршка за Украина да стане членка на Европската унија, нарекувајќи ја земјата која сега е нападната од Русија „една од нас“.
Фон дер Лајен го изјави ова во интервју за Еуроњуз неколку часа откако блокот од 27 нации одлучи да испорача оружје на земјата за време на војната за прв пат во нејзината историја.
„Навистина, со текот на времето тие ни припаѓаат нам. Тие се едни од нас и сакаме да влезат во блокот“, изјави Фон дер Лејен за Еуроњуз.
Украина, демократија од 44 милиони луѓе, освои независност од Москва во 1991 година со распадот на Советскиот Сојуз и се обиде да се приклучи на западната воена алијанса на НАТО и ЕУ, на која Русија жестоко се противи.
Помалку од четири дена откако започна, руската инвазија на Украина предизвика невиден политички, стратешки и економски заеднички одговор од Западот во нејзиниот опсег и координација.