На Градскиот плоштад во Скопје медиумски и музички работници денеска ќе му оддат последна почит на Аки Рахимовски, еден од најдобрите рок-вокалисти во регионот.
Кај тревникот пред „Пелистер“ во 13:00 часот ќе биде отворена Книга на жалост и ќе се слушаат неговите песни.
Сите пријатели и обожаватели на Аки ќе можат да положат цвеќе или да запалат свеќа.
Главното собирање е предвидено попладне, од 18:00 до 19:30 часот, кога хорови, пејачи и пријатели, заеднички, за збогување, ќе отпејат некои од најголемите хитови на „Парни ваљак“, чиј фронтмен беше Ракимовски повеќе од четири децении.
Рахимовски себе остави хитови со кои раснеа многу генерации.