Тетово е единствениот град во земјава каде се скока по светиот крст и ден пред Водици. 24-годишниот Нинослав Дамјановски беше најсреќен да го фати крстот на денешната прослава на празникот Водокрст во црквата Пресвета Богородица. Тој учестува во ваков чин по четврти пат.
Горан Хаџи Илоски Чајка е меѓу првите учесници во традицијата за празникот во оваа тетовска црква. Тој вели дека треба да се покрене иницијатива наместо во базен, крстот треба да се спушта во реката Пена.
Централната прослава на празникот Водици во Тетово ќе се одржи утре во Соборниот храм Свети Кирил и Методиј, а овој празник ќе биде одбележан и во сите околни населени места со осветување на водите и спуштање на крстот во црковните базени или реките.
Данијела Билбилоска
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.