И Бугарскиот премиер рече задоволен од денешната средба и од направениот прогрес. Рече дека за два месеца ќе се реализира авионската линија Скопје – Софија, но со останатите Со Петков се дојдени потпретседателот на бугарското Народно Собрание Кристиан Вигенин, министерката за надворешни работи Теодора Генчовска и министерот за транспорт и врски Николај Сабев.
Министерот Османи се сретна со новата бугарска колешка Генчовска. Беше поздравен обновениот дијалог меѓу двете Влади, како и значењето на продолжување на интензивната комуникација на високо ниво, при што беше изразено уверување дека со новата динамика во контактите ќе се надоградат и билатералните односи.
Во фокус на разговорите беше претстојната заедничка седница на Владите, која ќе се одржи во Софија на 25 јануари, како и внесувањето на нова динамика во соработката преку примена на концептот на работни групи.
„Посетата се случува на самата 30-годишнина од првото признавање на независноста на нашата држава, кое дојде токму од Бугарија, но ова е и прва посета на премиерот Петков на регионот на Западен Балкан воопшто, што испраќа многу важна и вредна порака за нашите односи, но не помалку важно и за нашиот динамичен и верувам поинаков пристап во надминување на предизвиците со кои се соочуваме“, изјави министерот Османи по средбата.
