Владата заедно со Општина Битола ќе учествува во обештетување на граѓаните кои претрпеа штети од земјотресот на 9 јануари. Од државниот буџет ќе се издвојат средства за санација на станбените објекти на битолчани и куќите во битолските погранични села, а процентот ќе се утврди во зависност од предизвиканата штета. Владата ќе ја финансира санација на болницата во Битола, како и оштетувањата во една градинка, и училиштата. Вака е договорено на денешната средба во Општина Битола меѓу владини претставници и локалната самоуправа.
-Планот е помош да има на две нивоа, едно е брза санација на јавните институции, болницата бидејќи треба веднаш да се стави во функција, но, сметаме дека треба да го исфинснасираме и реновирањето на градинките и училиштата. Она што значи обештетување на граѓаните, Комисијата треба законски во рок од 360 дена да поднесе извештај, но се согласивме тоа да го направи што побрзо, рече гОРАН МИЛЕВСКИ, МИНИСТЕР ЗА ЛОКАЛНА САМОУРПАВА.
Битолачни веќе поднесуваат барања за проценка на штети предизвикани од земјотресот Пријавувањето започна вчера, а граѓаните ќе имаат можност да ги пријават штетите во следните две недели, до 26 јануари.
-Само во текот на вчерашниот ден имаше стотина пријава за штети. Комисијата активно работи и ние сме подготвени и втора комисија да оформиме. Претставници на ИЗИС заедно со Комисијата за проценка на штети се веќе на терен, рече Тони Коњановски, градоначалник на Општина Битола.
Инаку, по силниот земјотрес на 9 јануари со магнитуда од 5,6 степени по Рихтер, со епицентар во Грција, на 20 километри од Битола, тлото не престанува да се тресе. Вчера околу 15 часот беше регистриран уште еден посилен потрес од 4,5 степени, а потоа во текот на ноќта и утрово следа уште петнаесетина со помал интензитет.
Емилија Мисирлиевски
