Околу 12 илјади луѓе во Израел биле позитивни на Ковид-19 во последните 24 часа. Бројот на заболени е зголемен за 360 отсто во однос на претходната недела. Според податоците на израелското Министерство за здравство, за еден ден во земјата се откриени 11 илјади 978 нови случаи, додека вкупниот број на тешко болни се искачи на 125.
Во земјава постепено се шири варијантата Омикрон.
Додека бројот на заболени се зголеми за 360 проценти во однос на претходната недела, највисоките нивоа забележани од почетокот на септември 2020 година беа постигнати со бројот на заболени над 10 илјади на почетокот на неделата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.