Повеќе од 9 милијарди вакцини во светот се администрирани против Ковид-19

Бројот на администрирани вакцини против коронавирус во светот надмина девет милијарди.

Повеќе од половина од нив (4,67 милијарди) се во три земји – Кина (2,77 милијарди), Индија (1,4 милијарди) и САД (0,5 милијарди). Податоците се базираат на официјални соопштенија на властите.

Во моментов, на луѓето им се инјектирани 9,002 милијарди дози вакцини против коронавирус. Сè уште не е можно да се утврди колку луѓе на планетата ги примиле двете дози, затоа што многу земји го пријавуваат само бројот на сертифицирани дози на вакцини против Ковид и примени вакцини. Истовремено, во голем број земји веќе е во тек процесот на ревакцинација на граѓаните.