2800 јавни набавки, половина преку електронска аукција, секој четврти завршил без учество на конкуренција со понуда од само една фирма. Полугодишниот извештај за јануари- јуни 2021 година на Граѓанскиот центар за комуникации отркива дека државната ЕСМ е рекордер во набавки во четири очи. Од 8 милиони евра државни пари ЕСМ 6 пати без оглас потрошиле 4 милиони.
Иако незадолжителна, електронската аукција била применета во 91 % од јавните набавки што упатува на тоа дека е-аукцијата се користи како механизам за манипулации и корупција, посочува Филков ,а според него честото совпаѓање на вредноста на доставените понуди со проценетата вредност на тендерите, која не е јавно објавена, упатува на претходно договарање меѓу институциите и понудувачите.
Подеднакво нетранспарентни се и државните но и локалните власти и институции. Постојат примери на нееднаков однос кон понудувачите, како и случаи на ограничување на конкуренцијата пракса која со години се провлекува и покрај укажувањата и на невладинито сектор но и на државната комисија за спречување корупција.
Павле Беловски