Најмалку 20 лица загинаа, а голем број се веројатно затрупани под урнатините во денешениот силен земјотрес, кој го погоди југозападниот дел на Пакистан.
Земјотресот ја погоди провинцијата Балуџистан во близина на границата со Иран в зори, додека луѓето спиеја.
Пакистанската метеоролошка служба соопшти дека јачината на земјотресот била 5,9 степени. Епицентарот е на околу 100 километри западно од главниот град на провинцијата Квета. Стотици куќи се целосно уништени во најтешко погодениот округ Харнаи.
Најмалку 300 луѓе добиле медицински третман во болниците, рече провинцискиот министер за внатрешни работи, Зија Лангов.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.