Денеска е последниот ден од пописот. Иако многумина од граѓаните се жалеа дека останале непопишани, од ДЗС уверуваат дека денеска ќе го довршат пописот на населението и дека нема потреба од продолжување на истиот.
Портпаролката на ДЗС, Јасмина Георгиевска вели дека попишувачите на терен се соочувале со пренаселеност, односно според базата на податоци која ја имале, наместо неколку куќи во одредени населби имало изградено по неколку нови згради, вели Георгиевска во гостувањето на утринската програма на Телма.
Заклучно до вчера во земјава се попишани вкупно 1.813.153 лица, 562.110 домаќинства и 822.575 станови, соопшти Државниот завод за статистика.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.