Постојано ги најавуваат, но авионите со загрозените Авганистанци никако да стигнат до Скопје поради лошите безбедносни услови на аеродромот во Кабул. И денеска беа првин закажани два,па потоа откажани летовите кон Скопје. Од владата соопштија повеќе детали за вкупната бројка, а министерката Шекеринска рече дека државата ќе биде солидарна со паталците од Авганистан и дека нема ништо да се крие од македонските граѓани.
Во одбрана има и друго барање, помош од стручни лица кои ќе треба да заминат во НАТО базите да им помагаат на бегалците кои ќе бидат извлечени од Авганистан. Станува збор за широка хуманитарна операција низ цела Европа, вели министерката.
Македонија веднаш понуди згрижување на луѓе од Авганистан кои би можеле да бидат загрозени од новите талибански власти. Но спасувачката операција се одложува поради постојаните крвави инциденти на аеродромот во Кабул- единствено место за успешно бегство од талибанците.
Миомир Серафиновиќ
