По два месеци Македонија повторно брои троцифрена бројка на новозабоелни со коронавирус. Само во изминативе 24 часа резгистрирани се 164 ново заболени 5.276 тестирања.
На врвот на листата е Тетово, со 60 нови случи, со што градот е на прагот на четвртиот бран на ковид пандемијата. Неофицијално најголемо жариште за ширење на коронавирусот во градот се свадбите и неносењето на маски во затвоени простории, како молови и трговски објекти.
Инаку од вкупната бројка новозаболени Скопје брои речиси двојно помалку од Тетово односно 34, додека во Гостивар се 21, Куманово и Битола осум, Струмица, Кичево и Дебар бројат по 5 нови случи.
Освен троцифрената бројка новозаболени, изминатово деноноќие по подолг период е регистирана и бројка од тројца починати како последица од корона вирусот и тоа две лица од Гостивар и едно од Скопје.
Тетово освен што има најмногу новозаболени го надмина и Скопје по бројот активни случи кое има трипати повеќе жители од него.
Па така во Тетово има 229 активни случи,а во скопје 221. Куманово и Гостивар се трети и четври по број на активни случи, но засега со двоцифрени бројки 72 и 68. Вкупниот број на активни случаи во земјава е 770.
Потврда дека состојбата во Тетово со пандемијата е алармантна стигна и од Клиничката болница во Тетово каде само вчера се извршени 64 амбулантски прегледи на ковид позитивни. Таму освен инфективното оддление повторно во ковид центар се пренаменети и двата спрата од интерното одделение, а во функција е ставена и модуларната болница.
„Ние не знаеме дали е четвртиот бран или не, но како и да е се оди во тој правец. Заклучно со вчерапниот ден имаме 64 амбулантски прегледи, тоа не сме го имале и во есенскиот период кога беше тој бран. Така што имаме зголемен број на амбулантски прегледи. И од тие прегледи да речам, денес или утре да ни бидат тие пациенти. Навистина е така поалармантна состојбата во споредба со лани“, изјави Гзим Нуредини, раководител на ковид-центарот во Клиничка болница Тетово.
Во модуларната болница која деновиве е пуштена во употреба веќе се хоспитализирани четири пациенти со коронавирус, додека на другите оделенија има уште 20.
„Имаме 24 хоспитализирани пациенти од кои само еден не е на кислородна поддршка, останатите сите се на кислородна поддршка. Што се однесува до вакциналниот статус, четворица од нив се вакцинрани само со една доза, додека еден пациент, е комплетно вакцинран со една доза на вакцината на Џонсон. Значи тој е вакциниран“, информира д-р Нуредини.
Повеќето од хоспитализираните се на возраст од над 65 години, но има пациенти и на 31 и 37 години, но сите како што вели Нуредини се со поголема телесна тежина, а некои од нив имаат и други хронични болести како срцева слабост, респираторни и бубрежни проблеми. Шестмина од хоспитализираните се од Германија и од Италија.
За Нуредини клучно за зголемување на случаите со ковид е непочитувањето на мерките и преголемото опуштање на луѓето со групирање.
Според него единствен излез од целата ситуација е вакцинацијата. И покрај тоа што има случаи на заболени вакцинирани, тој вели дека, без вакцините бројките би биле повисоки.
Во Тетово процентот на вакцинирани е едно од најниските во земјава – 19 проценти.
Тамара Грнчароска