Американскиот претседател Џо Бајден ги повика властите на американските сојузни држави да го наградат секој нововакциниран граѓанин против Ковид-19 со 100 долари, за да се зголеми стапката на имунизација, соопшти Министерството за финансии.
Во соопштението на Министерството се наведува дека фонд од 350 милијарди долари може да се искористи за таква иницијатива, наменет за државите, локалните и другите власти да се борат против последиците од пандемијата со Ковид-19.
Американското Министерство за финансии соопшти дека ќе обезбеди техничка помош за користење на средствата од тие фондови за поддршка на помасовна вакцинација.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.