Министерот Бујар Османи денеска се сретна со бугарскиот амбасадор во Македонија, Ангел Ангелов.
Ангелов му рекол на Османи дека Бугарија останува отворена за прагматичен дијалог со Македонија, кој треба да ја врати довербата меѓу двете земји, и да ја интезивира билатералната соработка.
Како што соопшти бугарското министерство за надворешни, на својата интернет страница, во разговорот беа потврдени бугарските национални позиции дека одржувањето на добрососедските односи и гаранции за спроведување на договорот за добрососедство, се врвни приоритети на Бугарија.
Додаваат и дека министерот Бујар Османи, очекува скора средба со неговиот бугарски колега.
Од македонското МНР, пак, велат дека дијалогот треба да продолжи и со техничката влада.
Остануваме посветени да изградиме доверба која ќе ги отстрани пречките за европските интеграции на Македонија, соопшти македонското МНР.