Невладини организации му пишаа на претседателот Стево Пендаровски да не го потпишува указот на Законот за легализација на дивоградби.
Во образложението тие пишуваат дека законот е спротивен на темелните вредности на Уставот, за владеење на правото и уредување и хуманизација на просторот, и заштита на животната средина и природата.
Законот поттикнува мешање во ингеренциите на надлежните институции кои треба да се грижат за заштитата на животната средина, природата и здравјето на нашите граѓани.
Носење на вакви закони какви што имавме и во минатото, испраќа порака дека непланската градба и лошата градежна пракса можат да продолжат и понатаму, продолжуваат невладините и бараат од претседателот да го врати законот во собранието на измени и доработка.
Бараат законот откако ќе претрпи измени да се донесе по редовна постапка и со јавна расправа. На писмото се потпишани еко-свест, институтот за демократија- социетас цивилис, институт за комуникациски студии, зелен институт и други.