5000 кинески вакцини попладнево пристигнаа во Битола, а спортската сала во медицинското училиште е подготвена за утрешниот почеток на масовната имунизација на граѓаните од овој регион.
Вакцини ќе пристигнуваат етапно и во наредните денови во регионалениот вакцинален пункт во Битола, каде покрај битолачни ќе се имунизираат и жителите од Прилеп, Крушево, Македонски Брод и Демир Хисар.
Во целиот процес се вклучени над 100 луѓе, 25 медицински тимови, потоа администрација и волонтери на Црвениот крст, кои ќе работат во две смени.
-Ги завршуваме последните подготoвки пред почетокот на масовната имунизација што ќе започне во текот на утрешнито ден во Регионалниот пункт во Битола. Досега во овој пункт преку апликацијата вакцинација.мк вкупно се пријавени околу 18 илјади граѓани, а за утре за вакцинација се пријавени 910, вели Весна Спирковска, директор на Здравствен дом- Битола.
Дел од граѓаните кои ги анкетиравме велат дека тие веќе ја примиле првата доза, апелираат помладите да се вклучат во масовната имунизација и очекувата брзо спроведување на овој порцес.
-Јас мислам дека тоа е добра работа, треба секој граѓанин да ја прими вакцината, со тоа ќе се заштитиме ние и нашите најблиски. Ако и овде оди како во Скопје, во салата „Борис Трајковски“, ќе биде добро. Не знам, некои луѓе се плашат, не сакаат да се вакцинираат, тоа е лошо, велат битолчани.Регионалниот вакцинален пункт во Битола ќе работи секој ден освен недела од 8 до 20 часот, а се затвора досегашниот вакцинален пункт во ОУ „Даме Груев“ во Битола каде преку матичните лекари со вакцините на АстраЗенека и Фајзер се вакцинираа 2300 битолчани од повозрасната категорија.
Здравствените власти повикуваат граѓаните да се пријавуваат на страницата вакцинација.мк.
Емилија Мисирлиевски