Шестемина приведени во акцијата на МВР и ДЕА, во која беа запленети 200 килограми марихуана, завршија во истражниот затвор во Шуто Оризари.
Судот го прифатил барањето на Обвинителството за одредување 30-дневен притвор.
Вчера полицијата влегла во две фабрики за производство на медицински канабис во Прилеп и во Битола, кои МВР ги поврзува со Александар Ушилковски, второ-осомничен за трговијата со дрога. Првичните претпоставки се дека марихуната тргнала од таму, а требало да заврши на нарко-пазарот во Грција. Покрај Ушилковски, уапсени се и командирот на прилепската полициска станица Кире Спиркоски, организаторот на групата и нејзини членови од Куманово, Битола и од Струмица.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.