Институтот за национална историја остро реагира на актуелната состојба во која како што велат цела една нација и историска наука се квалификуваат како фалсификаторство и се бара целосна ревизија на историјата на
македонскиот народ и нација. Во соопштението испратено од институтот се вели дека – евроинтеграциите на македонската нација не смее да се условуваат со ултимативно прифаќање на „историски вистини“ од други национални историографии. Сметаат дека историјата и нејзината интерпретација не смее да се доведуваат во врска со потребите на политиката, ниту на било каков начин да се условени од политичките влијанија, што е во целосна спротивност со европските демократски принципи.
Институтот го изразува својот категоричен став на осуда на сите форми на политичко оспорување на македонската историографија, на македонската национална историја и
идентитетот, пишува во соопштението.
