Кредибилитетот за формирање на влада го има ВМРО ДПМНЕ. Со ваква изјава излезе лидерот на ВМРО ДПМНЕ Христијан Мицковски, откако ја преспа долгата ноќ во која се пребројуваа гласовите. Според неговата математика вмро дпмне е победник и покрај тоа што коалицијата СДСМ – БЕСА освоила 10 илјади гласови повеќе. Подготвен е во наредните денови да преговара за влада, не и за премиер – Албанец.
Математиката на СДСМ, лидерот Зоран Заев ја објави доцна по полноќ. Коалицијата Можеме води со тројца пратеници пред ВМРО ДПМНЕ. Беса која е дел од оваа коалиција, денеска убедува дека главната разлика е создадена во шестата изборна единица.
Орелот се врати, ваква беше пораката на ДУИ која прва прогласи победа. Во албанскиот блок се со најмногу мандати, на етничките албанци им ветија дека нема да ги изневерат.
Алијанса за албанците и покрај тоа што очекувуше победа до доцна во ноќта, сепак е втора по бројот на освоени пратенички места во албанскиот блок.
И додека се уште се пребројуваа гласовите, партијата која за прв пат влегува во македоснкото собрание обвини за грабеж. Неформалниот лидер на Левица на фејзбук напиша дека се работи за невиден изборен грабеж.
Димитар Апасиев – неформален лидер на Левица на ФБ напиша: Двајца фиксни! Тројца украдени!? Хаос во ДИК. Идеме на рачно броење… На повидок тежок фалсификат. Најнерегуларни избори откога постои Македонија! Одиме до КРАЈ!!!
Во соранието со свој пратеник влегува и ДПА. Конечната математика на гласовте сепак ќе ја има Државната изборна комисија, по тоа и ќе следуваат калкулациите за владеачки коалиции.
Билјана Николовска