Двата дуели на поранешните европски шампиони во денешните мечеви победи на домаќините. Ливерпул славеше над Ајакс со 2:1 додека Баерн ја совлада Барселона со 2:0.
Ливерпул долго време се мачеше да стигне до толку посакуваната победа. Тимот од Енфилд поведе во 17-тата минута со голот на Салах, а само десет минути подоцна израмни Кудус.
Потоа следуваше доминација на домаќините и по голем број не реализирани шанси во 89-тата Матип му донесе победа на составот предводен од Јирген Клоп.
Баерн до победата над Барселона дојде со два гола постигнати за само четири минути. Каталонците не реализираа неколку шанси и во почетната фаза од второто полувреме Лукас Ернандез и Лирој Сане му ја донесоа победата на домаќинот.
Во останатите мечеви се случија неколку изненадувања особено во Б групата.
Баер Леверкузен го совлада Атлетико Мадрид со 2:0, а Бриж како гостин го декласираше Порто со 4:0.
Во Ц конкуренцијата, Интер без проблеми забележа победа од 2:0 над Викторија Плзен, а изненадувачки беа епилозите и на дуелите во Д групата.
Спортинг од Лисабон го совлада Тотенхем со 2:0, а Ајнтрахт Франкфурт како гостин славеше над Олимпик Марсеј со 1:0.