Венецуелскиот претседател Николас Мадуро вчера пристигна во официјална посета на Кувајт и разговараше со престолонаследникот на емиратот, Мешал ал Ахмад ал Џабер ал-Сабах, објави кувајтската државна новинска агенција КУНА, цитирана од Ројтерс.
Венецуелската државна телевизија прикажа снимка од пристигнувањето на Мадуро и неговата сопруга Селија Флорес, како пречекуваат различни кувајтски функционери. Тие беа придружувани од венецуелски министри и претставници од областа на надворешната политика, земјоделството, комуникациите, туризмот и транспортот, јави КУНА.
Агенцијата не даде дополнителни детали за посетата по неодамнешните посети на Мадуро на Турција, Алжир и Иран како дел од неговата прва голема турнеја во странство по посетата на Русија во 2019 година.