Поројните дождови проследени со силен ветер попладневно ги претворија во реки улиците на главниот град на Туркије, Анкара.
Во поплавите животот го загуби 27-годишниот Илкај Јигит, а по друго лице се трага.
Поради обилниот дожд се излеа потокот Татлар во населбата Алтиндаг, а во најдодените води беа одвлечени стотици автомобили.
Голем дел од подвозниците во градот се поплавени, а прекини во сообраќајот имаше на повеќе булевари и крстосници.
Граѓаните кои беа затекнати од дождот со часови чекаа во метро станиците и автобуските постојќи да си отидат дома.
Силниот дожд предизвика најмногу штети во општина во Анкара, Чанкаја каде што има урнати дрва, искршени стакла, откорнати покриви кои предизвикале материјална штета, но и многу оштетени автомобили, а поради невремето голем дел од градот одреден период останал без електрична енергија.
Екипи на градот Анкара започнаа со чистење на улиците, а полицијата презеде мерки на претпазливост.
Товарен лифт на транспортна компанија во Алачаатли паднал во соседната зграда додека превезувал стока. Патот беше затворен за сообраќај откако подвозникот кај клучката кај Генералштаб се наполни со вода. Сообраќајот беше прекинат и во дел од улицата Ќазим Карабеќир.
Едно лице се заглавило во возилото кое било влечено по поплавена улица во населбата Мамак. Повредениот граѓанин бил спасен од луѓе во близина и веднаш бил пренесен во болница.
Во судир во кој учествувале 14 возила се случил во подвозникот на Државниот округ на општина Етимесгут.
Градоначалникот на Анкара Мансур Јаваш на Твитер објави дека 35 луѓе се спасени. Тој пријавил поплави на 300 локации, 35 паднати дрвја, како и уривање на 23 покриви и три столба за комунални услуги.
Повеќе од 3.000 вработени продолжуваат да работат во погодените области и во текот на ноќта.