Полицијата го уапси 32 годишниот М.Д од Кавадарци кој бил фатен со обележани 2000 евра на Градскиот плоштад.
Тој е приведен поради измама на кумановка, на која ѝ ветувал дека ќе посредува за добивање странски пасош за 400 евра. Потоа почнал да ѝ бара дополнителни парични средства, па за кратко време таа му дала вкупно 9.000 евра. И покрај тоа, тој продолжил да бара уште пари.
По преземените мерки, кај него биле пронајдени 2 000 евра, кои ги земал од пријавителката, а кои претходно биле криминалистичко – технички обработени од полициски службеници од ОВР Кавадарци.
Пред јавен обвинител, го признал делото. Ќе одговора за кривично дело „измама“ по член 247 став 1 од Кривичниот законик.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.