„Останувам во целост на обвинителниот акт дека обвинетите ги сториле кривичните кои им се ставаат на товар. Обвинетите формирале навидум хуманитарно здруженије, но таа хуманитарност останала далеку, а организацијата се претворила во нешто друго. Целта на крај останала да се стекне со лична корист обвинетиот Бојан Јовановски, ” ќе наведе на самиот почеток обвинителот Трајче Пеливанов на завршните зборови за предметот ,,Меѓународен сојуз“.
Судењето за овој случај го води судијката Софче Гаврилова-Ефремова, а застапник на обвинението е обвинителката Вилма Рускоска.
Првообвинет во овој предмет е Бојан Јовановски-Боки 13, кој според обвинителниот акт е обвинет за кривичните дела „измама и перење пари“. Обвинети во овој случај се и поранешната пратеничка од редовите на СДСМ Фросина Ременски, Миле Јовановски, (таткото на првообвинетиот) и Јасна Мандиќ Ерцеговиќ. Обвинетата Ременски се товари за кривично дело „помагање во делото измама“, Мандиќ за „помагање во измамата и перењето пари“, а Миле Јовановски се товари за „помагање во перењето пари“ и за „неовластено изработување, држење, посредување и тргување со оружје“.
Како правно лице обвинета е и невладината организација „Меѓународен сојуз“.