Соединетите Американски Држави воведоа нови царини од 10 до 12,5 проценти за увоз од 60 свои трговски партнери, обвинувајќи ги дека не презеле доволно мерки за спречување на увоз на производи изработени со присилна работна сила. Мерката ги опфаќа Велика Британија, Кина, Европската Унија, Канада, Јапонија, Индија и други земји, а стапува во сила од денеска.
Американската администрација соопшти дека земјите кои прифатиле и спровеле забрана за увоз на производи со присилна работа ќе плаќаат царина од 10 проценти, додека останатите ќе се соочат со повисока стапка од 12,5 проценти. Според Вашингтон, мерката има за цел да ги заштити работничките права и да обезбеди поправедна меѓународна трговија.
Повеќе држави веќе реагираа на одлуката. Бразил ја оцени како неоправдана и најави реципрочни мерки, додека Јапонија и Австралија изразија жалење и побараа укинување на новите царини. Експертите предупредуваат дека мерката може да ги зголеми трошоците за компаниите и потрошувачите и дополнително да ги засили глобалните трговски тензии.