Македонското знаме, конечно, поставено во кабинетот на Али Ахмети во Мала Речица по 24 години од формирање на Демократската унија за интеграција (ДУИ), пренесува порталот „Тетова сот“.
Државното знаме, заедно со партиското на ДУИ, како и знамињата на Албанија и на ЕУ, можеше да се забележи во фотогалеријата на Фејсбук профилот на Ахмети од средбата со австрискиот амбасадор во Мала Речица.
Во изјава за „Тетова сот“, Ахмети рече дека истакнувањето на државното знаме никогаш не му претставувало проблем, за што му сугерирале и амбадорите во земјава. Таквиот потег, според него, е во согласност со верувањето дека државата им припаѓа на сите граѓани и дека државните симболи мора да се почитуваат.
„Отсекогаш сум бил за унитарна држава. Тоа беше и предлог на странските амбасадори во земјата. Ми беше предложено на средбите со нив, државното знаме на С. Македонија да биде поставено во мојата канцеларија“, изјави Ахмети за „Тетова сот“.
