Руте: Новите напади на САД врз Иран беа апсолутно неопходни

Генералниот секретар на НАТО, Марк Руте изјави дека новите напади на САД врз Иран биле „апсолутно неопходни“, оценувајќи дека Вашингтон морал да реагира одлучно по, како што наведе, „иранското кршење на примирјето“.

„Кога имате примирје, а Иран во основа го крши, мислам дека е апсолутно клучно за силна реакција од САД“, изјави Руте пред новинарите во Анкара, во пресрет на самитот на НАТО, пренесува „Ројтерс“.

Тој додаде оти од сојузниците во текот на денот очекува потврда на ставот дека Иран треба во целост да го отвори Ормускиот Теснец за меѓународен сообраќај.