Партијата на пензионери изрази сериозна загриженост по објавениот извештај на Државниот завод за ревизија за состојбата во Фондот за пензиско и инвалидско осигурување.
На седница на Извршниот одбор, извештајот бил оценет како показател за низа неправилности и недомаќинско работење во институцијата.
Во извештајот се посочуваат слабости како ненаменско трошење на средства, административна неефикасност и недоследности во финансиското работење, што според партијата ја доведува во прашање стабилноста и довербата во пензискиот систем.
Дополнително, се изразува загриженост и за функционирањето на вториот пензиски столб. Партијата на пензионери бара итна ревизија на спорните ставки, утврдување одговорност кај надлежните лица и поголема транспарентност во работењето на Фондот.
Ќе се зголеми ли старосната граница за пензионирање? – Владата ја чека анализата од ММФ