Посетителите на „East Gate Mal“l денеска биле евакуирани откако во трговскиот центар бил активиран противпожарен аларм. Според информациите, станува збор за лажна тревога, а евакуацијата била спроведена согласно безбедносните протоколи.
Граѓаните мирно го напуштиле објектот, додека обезбедувањето и надлежните служби вршеле проверки на терен.
По утврдувањето дека нема опасност, трговскиот центар продолжил со редовна работа.
Настанот предизвика внимание кај посетителите, особено по неодамнешните лажни дојави за бомби во East Gate Mall и Diamond Mall, кои во изминатиот период ја вознемирија јавноста.
Сепак од СВР Скопје информираа дека денеска до нив не пристигнала дојава за поставена експлозивна направа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.