Федерален судија во САД ја блокираше примената на реципрочните царини што претседателот Доналд Трамп ги воведе на 2 април, поради тоа што судот оценил дека Трамп ги надминал своите овластувања.
Според одлуката, овластувањето за регулирање на трговијата со други земји е во рацете на Конгресот, и не може да се пренесе на претседателот преку вонредни мерки.
Сепак, судската одлука не се однесува на царините од 25 проценти што Трамп ги воведе за увоз на автомобили, челик и алуминиум, кои остануваат во сила.
Судот во Менхетен нагласи дека претседателот нема овластување да воведува царини врз основа на реципрочност, односно да казнува земји кои извезуваат повеќе во САД отколку што увезуваат.
Владата на Трамп веднаш поднесе жалба на оваа одлука до Апелациониот суд, со што процесот ќе продолжи во повисока судска инстанца.
Ова е нов пресврт во трговската политика на САД, која предизвика бројни реакции во светската економија.