Потпретседателот на српската влада и министер за внатрешни работи Ивица Дачиќ потврди дека припадници на Специјалната антитерористичка единица го ликвидирале 46-годишниот убиец.
„Припадници на Специјалната антитерористичка единица го ликвидираа во Јагодина Саша Милосављевиќ (47), кој попладнето убил едно лице, а друго тешко ранил. Убиецот при обидот за апсење пукал во специјалците, по што бил ликвидиран“, објави Дачиќ.
Според српските медиуми, напаѓачот бил познат како проблематична личност. Бил осудуван за повеќе кривични дела, меѓу кои обид за убиство, тешки кражби, семејно насилство, недозволено носење оружје.
Пукањето е кулминација на судир кој почнал пред една недела. Според српските медиуми, во истото кафуле пред една недела избила тепачка, а вчерашното пукање е поврзано со таа тепачка.